CAB. I

1As loayr y Chiarn rish Moses ayns faasagh Sinai, ayns cabbane-agglish y cheshaght, er y chied laa jeh’n nah vee, ’sy nah vleïn lurg daue v’er jeet ass cheer Egypt, gra, 2Gow-jee earroo ooilley sheshaght cloan Israel, cordail rish nyn lught-thie, rere thie nyn ayraghyn, lesh earroo ny enmyn oc, dy chooilley ghooinney er-lheh: mêriu 3Veih feed bleïn dy eash as erskyn, ooilley ny ta son goll magh gys caggey ayns Israel; nee uss as Aaron ad y earroo lurg nyn sheshaghtyn-caggee. 4As lhig da ve mêriu dooinney jeh dagh tribe; dagh fer y dooinney syrjey jeh kynney e ayraghyn.

5As shoh enmyn ny deiney nee shassoo mêriu, jeh tribe Reuben; Elizur mac Shedeur, 6Jeh Simeon; Shelumiel mac Zurishaddai. 7Jeh Judah; Nahshon mac Amminadab. 8Jeh Issachar; Nethaneel mac Zuar. 9Jeh Zebulun; Eliab mac Helon. 10Jeh cloan Yoseph: Jeh Ephraim, Elishama mac Ammihud; jeh Manasseh, Gamaliel mac Pedahzur. 11Jeh Benjamin; Abidan mac Gideoni. 12Jeh Dan; Ahiezer mac Amishaddai. 13Jeh Asher; Pagiel mac Ocran. 14Jeh Gad; Eliasaph mac Deuel. 15Jeh Naphtali; Ahirah mac Enan. 16Ad shoh va deiney ooasle ’sy cheshaght, princeyn ayns tribe nyn ayraghyn, fir-ching thousaneyn ayns Israel.

17As ghow Moses as Aaron ny deiney shoh, myr va ny enmyn oc currit stiagh. 18As haggil ad ooilley’n cheshaght dy cheilley er y chied laa jeh’n nah vee, as hoilshee ad nyn sheelogheyn myr va nyn lught-thie, lurg thie nyn ayraghyn, cordail rish earroo nyn enmyn, veih feed bleïn d’eash as erskyn liorish y choontey oc. 19Myr hug y Chiarn sarey da Moses, myr shen ren eh ad y earroo ayns faasagh Sinai. 20As cloan Reuben mac shinney Israel, liorish ny sheelogheyn oc, cordail rish nyn lught-thie, myr va thie ny ayraghyn oc, cordail rish earroo nyn enmyn, rere nyn ghing, dy chooilley ghooinney veih feed bleïn d’eash as erskyn, ooilley ny va son goll magh gys caggey; 21V’adsyn va er nyn earroo jeu, ta shen, jeh tribe Reuben, shey thousaneyn as da-eed as queig cheead. 22Jeh cloan Simeon, liorish ny sheelogheyn oc, cordail rish nyn lught-thie myr va thie nyn ayraghyn, adsyn va er nyn earroo jeu, cordail rish earroo ny enmyn oc, rere nyn ghing, dy chooilley ghooinney veih feed bleïn d’eash as erskyn, ooilley ny va son goll magh gys caggey; 23V’adsyn va er nyn earroo jeu, ta shen, jeh tribe Simeon, nuy thousaneyn jeig as da-eed as three cheead.

24Jeh cloan Ghad, liorish ny sheelogheyn oc, cordail rish nyn lught-thie, myr va thie ny ayraghyn oc, cordail rish earroo ny enmyn, veih feed bleïn d’eash as erskyn, ooilley ny va son goll magh gys caggey; 25V’adsyn v’er nyn earroo jeu, ta shen, jeh tribe Ghad, queig thousaneyn as da-eed shey cheead as jeih as da-eed.

26Jeh cloan Yudah, liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash as erskyn, ooilley ny va son goll magh gys caggey; 27V’adsyn v’er nyn earroo jeu, ta shen, jeh tribe Yudah, three-feed as kiare-jeig dy housaneyn as shey cheead.

28Jeh cloan Issachar, liorish ny sheelogheyn oc, cordail rish nyn lught-thie, myr va thie ny ayraghyn oc, lurg earroo ny enmyn, veih feed bleïn d’eash as erskyn, ooilley ny va son goll magh gys caggey; 29V’adsyn v’er nyn earroo jeu, ta shen jeh tribe Issachar, kiare thousaneyn jeig as da-eed as kiare cheead.

30Jeh cloan Zebulun, liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash as erskyn, ooilley ny va son goll magh gys caggey; 31V’adsyn v’er nyn earroo jeu, ta shen jeh tribe Zebulun, shiaght thousaneyn jeig as da-eed as kiare cheead.

32Jeh cloan Yoseph, ta shen, jeh cloan Ephraim, liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn dy eash as erskyn, ooilley ny va son goll magh gys caggey; 33V’adsyn v’er nyn earroo jeu, ta shen, jeh tribe Ephraim, da-eed thousane as queig cheead.

34Jeh cloan Vanasseh, liorish nyn sheelogheyn, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash, as erskyn, ooilley ny va son goll magh gys caggey; 35V’adsyn v’er nyn earroo jeu, ta shen jeh tribe Vanasseh daa housane jeig as feed as daa cheead.

36Jeh cloan Venjamin, liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash, as erskyn, ooilley ny va son goll magh gys caggey; 37V’adsyn v’er nyn earroo jeu, ta shen, jeh tribe Venjamin, queig thousaneyn jeig as feed as kiare cheead.

38Jeh cloan Dan liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash, as erskyn, ooilley ny va son goll magh gys caggey; 39V’adsyn v’er nyn earroo jeu, ta shen, jeh tribe Dan, three-feed as daa housane as shiaght cheead.

40Jeh cloan Asher, liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash, as erskyn ooilley ny va son goll magh gys caggey; 41V’adsyn v’er nyn earroo jeu, ta shen, jeh tribe Asher; un thousane as da-eed as queig cheead.

42Jeh cloan Naphtali, trooid ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash, as erskyn, ooilley ny va son goll magh gys caggey; 43V’adsyn v’er nyn earroo jeu, ta shen, jeh tribe Naphtali, three thousaneyn jeig as da-eed as kiare cheead. 44Shoh adsyn v’er nyn earroo, ren Moses as Aaron nyn earroo, as princeyn Israel, daa ghooinney jeig: va dagh fer jeu er-lheh son thie e ayrey. 45Myr shoh v’adsyn ooilley v’er nyn earroo jeh cloan Israel, liorish thie nyn ayraghyn veih feed bleïn d’eash as erskyn, ooilley ny va son goll magh gys caggey ayns Israel. 46Eer adsyn ooilley v’er nyn earroo, v’ad shey cheead thousane as three thousaneyn as queig cheead as jeih as da-eed.

47Agh cha row ny Leviteyn, lurg tribe nyn ayraghyn, er nyn earroo mâroo shoh. 48Son va’n Chiarn er loayrt rish Moses, gra, 49Cha jean oo earroo tribe Levi y ghoaill, chamoo nee oo yn coontey oc y ghoaill, mastey cloan Israel. 50Agh nee oo pointeil ny Leviteyn harrish cabbane-agglish y chonaant, as harrish ooilley ny siyn echey, as harrish dagh nhee ta bentyn rish: nee ad gymmyrkey yn chabbane-agglish, as ooilley ny siyn echey, as nee ad shirveish ayn, as soiaghey seose ny cabbaneyn oc hene mygeayrt y chabbane-agglish. 51As tra ta’n cabbane-agglish dy ve er ny scughey er y hoshiaght, gowee ny Leviteyn sheese eh: as tra ta’n cabbane-agglish dy ve er ny hoiaghey seose, nee ny Leviteyn y hroggal eh: as bee’n joarree hig ny choair, er ny choyrt dy baase. 52As nee cloan Israel soiaghey seose nyn gabbaneyn, dagh dooinney liorish e champ hene, as dagh dooinney liorish e chowrey-caggee hene, trooid nyn sheshaghtyn-caggee. 53Agh nee ny Leviteyn goaill grunt cruin mygeayrt cabbane y chonaant; nagh jig jymmoose (Yee) er sheshaght chloan Israel: as nee ny Leviteyn goaill currym cabbane y chonaant. 54As ren cloan Israel cordail rish ooilley myr va’n Chiarn er harey da Moses; shen myr ren ad.