CAB. XXVI

1As haink eh gy-kione lurg y chramp, dy loayr y Chiarn rish Moses, as rish Eleazar mac Aaron y saggyrt, gra, 2Gow-jee coontey ooilley sheshaght cloan Israel, veih feed bleïn dy eash as erskyn, trooid lught-thie nyn ayrey, ooilley ny ta son goll gys caggey ayns Israel. 3As loayr Moses as Eleazar yn saggyrt roo, ayns cheer-rea Voab liorish Jordan, er-gerrey da Jericho, gra, 4Gow-jee earroo yn pobble, veih feed bleïn dy eash as erskyn; myr hug y Chiarn sarey da Moses, as da cloan Israel, hie magh ass cheer Egypt.

5Reuben mac shinney Israel: cloan Reuben: Hanoch, jeh ta kynney ny Hanochiteyn: jeh Pallu, kynney ny Palluiteyn: 6Jeh Hezron kynney ny Hezroniteyn: jeh Carmi kynney ny Carmiteyn. 7Ad shoh kynneeyn ny Reubeniteyn: as va’n earroo oc, three thousaneyn as da-eed as shiaght cheead as jeih as feed. 8As mac Pallu; Eliab. 9As mee Eliab; Nemuel, as Dathan as Abiram: shoh’n Dathan as Abiram cheddin, va ny ard-gheiney mastey’n pobble, ren streeu noi Moses as Aaron, ayns sheshaght Chorah, tra dirree ad magh noi’n Chiarn. 10As ren y thalloo fosley e beeal, as sluggey ad sheese cooidjagh marish Korah, tra va’n cheshaght shen giarit jeh, as ren yn aile stroie daa cheead as jeih deiney as da-eed: as haink ad dy ve raaue sampleyragh. 11Agh cha row cloan Chorah er nyn stroie mârish.

12Mee Simeon, lurg ny kynneeyn oc: jeh Nemuel, kynney ny Nemueliteyn: jeh Jamin, kynney ny Jaminiteyn: jeh Jachin, kynney ny Jachiniteyn: 13Jeh Zerah, kynney ny Zarhiteyn: Jeh Shaul, kynney ny Shauliteyn. 14As shoh kynneeyn ny Simeoniteyn, daa housane as feed as daa cheead.

15Cloan Ghad, lurg ny kynneeyn oc: jeh Zephon, kynney ny Zephoniteyn: jeh Haggi, kynney ny Haggiteyn; jeh Shuni, kynney ny Shuniteyn: 16Jeh Ozni, kynney ny Ozniteyn: jeh Eri, kynney ny Eriteyn: 17Jeh Arod, kynney ny Aroditeyn: jeh Areli, kynney ny Areliteyn. 18Ad shoh kynneeyn cloan Ghad, cordail rish nyn earroo, da-eed thousane as queig cheead.

19Mec Yudah va Er as Onan: as hooar Er as Onan baase ayns cheer Chanaan. 20As va mec Yudah, lurg ny kynneeyn oc: jeh Shelah, kynney ny Shelaniteyn: jeh Pharez, kynney ny Pharziteyn: jeh Zerah, kynney ny Zarhiteyn: 21As mec Pharez va: jeh Hezron, kynney ny Hezroniteyn: jeh Hamul kynney ny Hamuliteyn. 22As shoh kynneeyn Yudah, cordail rish nyn earroo, three-feed as shey thousaneyn jeig as queig cheead.

23Jeh mec Issachar, lurg ny kynneeyn oc: jeh Tola, kynney ny Tolaïteyn: jeh Pua, kynney ny Puniteyn: 24Jeh Jashub, kynney ny Jashubiteyn: jeh Shimron, kynney ny Shimroniteyn. 25Shoh kynneeyn Issachar, cordail rish yn earroo oc, three-feed as kiare thousaneyn as three cheead.

26Jeh mec Zebulun, lurg ny kynneeyn oc: jeh Sered, kynney ny Sarditeyn: jeh Elon, kynney ny Eloniteyn: jeh Jahleel, kynney ny Jahleeliteyn. 27Shoh kynneeyn ny Zebuluniteyn, cordail rish yn earroo oc, three-feed thousane as queig cheead.

28Mec Yoseph, lurg ny kynneeyn oc, va Manasseh as Ephraim. 29Jeh mec Vanasseh: jeh Machir, kynney ny Machiriteyn: as hooar Machir Gilead: jeh Gilead haink kynney ny Gileaditeyn. 30Shoh mec Ghilead: jeh Jeezer, kynney ny Jeezeriteyn: jeh Helek, kynney ny Helekiteyn: 31As jeh Asriel, kynney ny Asrieliteyn: as jeh Shechem, kynney ny Shechemiteyn: 32As jeh Shemida, kynney ny Shemidaïteyn: as jeh Hepher, kynney ny Hepheriteyn.

33As cha row mac ec Zelophehad mac Hepher, agh inneenyn: as enmyn inneenyn Zelophehad, va Mahlah, as Noah, Hoglah, Milcah, as Tirzah. 34Shoh kynneeyn Vanasseh, as adsyn v’er nyn earroo jeu, daa housane jeig as da-eed as shiaght cheead.

35Ad shoh mec Ephraim, lurg ny kynneeyn oc: jeh Shuthelah, kynney ny Shuthalhiteyn: jeh Becher, kynney ny Bachriteyn: jeh Tahan, kynney ny Tahaniteyn. 36As ad shoh mec Shuthelah: jeh Eran kynney ny Eraniteyn. 37Shoh kynneeyn mec Ephraim, cordail rish yn earroo oc, daa housane jeig as feed as queig cheead. Shoh mec Yoseph, cordail rish nyn gynneeyn.

38Mec Venjamin, lurg ny kynneeyn oc: jeh Bela, kynney ny Belaïtyn; jeh Ashbel, kynney ny Ashbeliteyn: jeh Ahiram, kynney ny Ahiramiteyn: 39Jeh Shupham, kynney ny Shuphamiteyn: jeh Hupham, kynney ny Huphamiteyn. 40As mec Bela va Ard, as Naaman: jeh Ard, kynney ny Arditeyn; as jeh Naaman, kynney ny Naamiteyn. 41Shoh mec Venjamin, lurg ny kynneeyn oc: as adsyn v’er nyn earroo jeu, va queig thousaneyn as da-eed as shey cheead.

42Ad shoh mec Dan, lurg ny kynneeyn oc: jeh Shuham, kynney ny Shuhamiteyn. Shoh kynneeyn Dan, cordail rish nyn sluight. 43Va ooilley kynneeyn ny Shuhamiteyn, cordail rish yn earroo oc, three-feed as kiare thousaneyn as kiare cheead.

44Jeh cloan Asher, lurg ny kynneeyn oc: jeh Jimna, kynney ny Jimniteyn: jeh Jesui, kynney ny Jesuiteyn: jeh Beriah, kynney ny Beriiteyn. 45Jeh mec Beriah: jeh Heber, kynney ny Heberiteyn: jeh Malchiel, kynney ny Malchieliteyn: 46As ennym inneen Asher va Sarah. 47Shoh kynneeyn mec Asher, cordail rish yn earroo oc: va three thousaneyn jeig as da-eed as kiare cheead. 48Jeh mec Naphtali, cordail rish ny kynneeyn oc: jeh Jahzeel, kynney ny Jahzeeliteyn: jeh Guni, kynney ny Guniteyn: 49Jeh Jezer, kynney ny Jezeriteyn: jeh Shillem, kynney ny Shillemiteyn. 50Shoh kynneeyn Naphtali, cordail rish nyn lught-thie: as v’adsyn, v’er nyn earroo jeu, queig thousaneyn as da-eed as kiare cheead. 51Shoh va slane earroo cloan Israel, shiaght cheead thousane as shiaght cheead as jeih as feed.

52As loayr y Chiarn rish Moses, gra, 53Orroo shoh vees y cheer er ny rheynn son eiraght, cordail rish earroo ny enmyn. 54Da mooarane ver oo ny smoo dy eiraght, as dauesyn sloo ayns earroo, ver oo ny sloo dy eiraght: da dagh tribe bee e eiraght er ny choyrt, cordail rish nyn earroo. 55Ny-yeih, bee’n cheer er ny rheynn liorish lot: cordail rish enmyn tribeyn nyn ayrey bee nyn eiraght. 56Myr haghyrys y lot, vees yn eiraght er ny rheynn, edyr ny smoo, ny ny sloo.

57As shoh adsyn va er nyn earroo jeh ny Leviteyn, lurg ny kynneeyn oc; jeh Gershon, kynney ny Gershoniteyn: jeh Kohath, kynney ny Kohathiteyn: jeh Merari, kynney ny Merariteyn. 58Shoh kynneeyn ny Leviteyn: kynney ny Libniteyn, kynney ny Hebroniteyn, kynney ny Mahliteyn, kynney ny Mushiteyn, kynney ny Korathiteyn: as hooar Kohath Amram. 59As ennym ben Amram va Jochebed, inneen Levi, ren e moir gymmyrkey da Levi ayns Egypt; as ren ish gymmyrkey da Amram, Aaron as Moses, as Miriam nyn shuyr. 60As da Aaron va ruggit Nadab as Abihu, Eleazar as Ithamar. 61As hooar Nadab as Abihu baase, tra heb ad aile an-chasherick roish y Chiarn. 62As v’adsyn v’er nyn earroo jeu, three thousaneyn as feed, ooilley fyrrynee veih mee dy eash as erskyn: son v’ad er nyn earroo er-lheh veih cloan Israel, er-yn-oyr nagh row eiraght erbee soit magh daue, mastey cloan Israel.

63Shoh adsyn v’er nyn earroo liorish Moses as Eleazar yn saggyrt, ghow earroo cloan Israel, ayns thalloo-rea Voab, liorish Jordan, er-gerrey da Jericho. 64Agh jeh’n earroo shoh, cha row dooinney bio, jeusyn va Moses as Aaron yn saggyrt er n’earroo, tra ghow ad coontey Israel ayns faasagh Sinai. 65Son mychione oc shoh dooyrt y Chiarn, Yiow ad son shickyrys baase ayns yn aasagh. As cha row dooinney jeu er-mayrn, agh Caleb mac Jephunneh, as Joshua mac Nun.