PSAL. CXXX

1Veih’n diunid ta mee er n’eamagh hood’s, O Hiarn: Hiarn, clasht rish my choraa.

2O lhig da dty chleayshyn geill y choyrt: da coraa m’accan.

3My vees uss, Hiarn, gyere dy ghoaill tastey jeh nyn shaghrynys: O Hiarn, quoi oddys shassoo fo?

4Agh mayrt’s ta myghin: shen-y-fa bee aggle er ny ghoaill royd.

5Ta mee jeeaghyn son y Chiarn, ta m’annym farkiaght er e hon: ayns e ghoo ta my hreishteil.

6Ta my chree chea gys y Chiarn: roish arrey yn voghrey, ta mee gra, roish arrey yn voghrey.

7O Israel, cur dty hreishteil ayns y Chiarn, son marish y Chiarn ta myghin: as mârishyn ta livrey-ys niartal.

8As livreyee eh Israel: veih ooilley e pheccaghyn.