PSAL. CXXXVI

1O cur-jee booise da’n Chiarn, son t’eh graysoil: as ta e vyghin farraghtyn son dy bragh.

2O cur-jee booise da Jee dy chooilley yee: son ta e vyghin farraghtyn son dy bragh.

3O cur-jee booise da Chiarn dy chooilley hiarn: son ta e vyghin farraghtyn son dy bragh.

4Ta ny-lomarcan jannoo yindyssyn mooarey: son ta e vyghin farraghtyn son dy bragh.

5Ta liorish e chreenaght erskyn-earroo er chroo ny niaughyn: son ta e vyghin farraghtyn son dy bragh.

6Ren sheeyney magh yn thalloo erskyn ny ushtaghyn: son ta e vyghin farraghtyn son dy bragh.

7Ren soilshaghyn mooarey y chroo: son ta e vyghin farraghtyn son dy bragh.

8Yn ghrian dy reill y laa: son ta e vyghin farraghtyn son dy bragh;

9Yn eayst as ny rollageyn dy reill yn oie: son ta e vyghin farraghtyn son dy bragh.

10Ren Egypt as yn chied er ny ruggey oc y woalley: son ta e vyghin farraghtyn son dy bragh;

11As hug lesh Israel magh veih ny mast’ oc: son ta e vyghin farraghtyn son dy bragh;

12Lesh laue niartal as roih sheeynit magh: son ta e vyghin farraghtyn son dy bragh.

13Ren y Faarkey Jiarg y rheynn ayns daa ayrn: son ta e vyghin farraghtyn son dy bragh;

14As ren Israel y leeideil trooid y vean echey: son ta e vyghin farraghtyn son dy bragh.

15Agh er son Pharaoh as e heshaght-chaggee, ren eh adsyn y stroie ayns yn aarkey Jiarg: son ta e vyghin farraghtyn son dy bragh.

16Ren e phobble hene y leeideil trooid yn aasagh: son ta e vyghin farraghtyn son dy bragh.

17Ren reeaghyn pooaral y woalley: son ta e vyghin farraghtyn son dy bragh;

18As ren stroie reeaghyn niartal: son ta e vyghin farraghtyn son dy bragh;

19Sihon ree ny Amoriteyn: son ta e vyghin farraghtyn son dy bragh;

20As Og ree Vasan: son ta e vyghin farraghtyn son dy bragh;

21As hug ersooyl yn cheer oc son eiraght: son ta e vyghin farraghtyn son dy bragh;

22Dy jarroo son eiraght da Israel e harvaant: son ta e vyghin farraghtyn son dy bragh.

23Ren cooinaghtyn orrin tra va shin ayns seaghyn: son ta e vyghin farraghtyn son dy bragh;

24As ta er livrey shin veih nyn noidyn: son ta e vyghin farraghtyn son dy bragh.

25Ta coyrt beaghey da dy chooilley eill: son ta e vyghin farraghtyn son dy bragh.

26O cur-jee booise da Jee ny niaughyn: son ta e vyghin farraghtyn son dy bragh.

27O cur-jee booise da’n Chiarn dy hiarnyn: son ta e vyghin farraghtyn son dy bragh.