PSAL. XV

1Hiarn, quoi nee baghey ayns dty chabbane-agglish: ny quoi nee cummal er dty chronk casherick?

2Eshyn dy jarroo ta leeideil bea ôney: as ta jannoo yn red ta jeeragh, as ta loayrt yn irriney veih e chree.

3Eshyn nagh vel er chliaghtey molteyraght erbee ayns e hengey, ny er n’yannoo olk da e naboo: as nagh vel er chooyl-chassid e naboo.

4Eshyn nagh vel soiaghey jeh hene, agh ta imlee ayns e hooillyn hene: as jannoo mooar jeusyn ta goaill aggle roish y Chiarn.

5Eshyn ta loo da e naboo, as nagh vel dy volley eh: ga dy beagh eh gys e choayl hene.

6Eshyn nagh vel er choyrt magh e argid er use: ny er ghoaill leagh noi’n persoon gyn-loght.

7Eh ta jannoo myr shoh: cha jean eh dy bragh tuittym.