PSAL. XVI

1Jean m’y choadey, O Yee: son aynyd’s ta mee er choyrt my hreishteil.

2O m’annym, t’ou er ghra rish y Chiarn: Uss my Yee, cha vel my chooid-seihlt, dy ve soylit hood’s.

3Ta ooilley my haitnys er ny nooghyn t’er y thalloo: as er nyn lheid as ta dy firrinagh crauee.

4Agh adsyn ta geiyrt er Jee elley: yiow seaghyn mooar.

5Nyn ourallyn-iu folley cha jean-yms y hebbal: chamoo nee’m imraa jeh’n ennym oc cheu-sthie jeh my veillyn.

6Yn Chiarn hene toghyr my eiraght, as my chappan: nee uss my chronney y yannoo mie.

7Ta my chronney er duittym ayns cheer aalin: dy feer, ta aym eiraght ooasle.

8Ver-yms booise da’n Chiarn son raaue y choyrt dou: ta my veeghyn neesht dy my choyrlaghey er imbagh ny hoie.

9Ta mee er hoiaghey Jee kinjagh kiongoyrt rhym: son t’eh er my laue yesh, shen-y-fa cha jean-ym tuittym.

10Shen-y-fa va my chree gennal as my ghloyr lane dy voggey: nee my challin myrgeddin goaill fea ayns treishteil.

11Son cre’n-fa? cha vaag uss m’annym ayns stayd ny merriu: chamoo lhiggys oo da dt’er-casherick hene dy akin loauys.

12Nee uss soilshaghey dou raad y vea; ayns dt’enish ta laanid dy voggey: as er dty laue yesh ta eunys er son dy bragh.