PSAL. II.

1Cre’n-fa ta ny ashoonyn cha eulyssagh girree-magh lesh y cheilley: as cre hon ta’n sleih goaill red ommijagh ayns nyn gione.

2Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n fer-ooilit echey.

3Lhig dooin brishey ny kianglaghyn oc veih-my-cheilley: as y whing oc y cheau ersooyl j’in.

4Eshyn ta baghey ayns niau ghearys orroo lesh craid: bee ad ec y Chiarn ayns faghid.

5Eisht nee eh loayrt roo ayns e chorree: as ver eh sneih orroo ayns trimmid e yymmoose.

6Agh ta mish er hoiaghey seose my Ree: er Sion my chronk casherick.

7Neem’s y leigh y phreacheil, my-e-chione ta’n Chiarn er ghra rhym: Uss my Vac, jiu yn laa ta mee er dty gheddyn.

8Shir orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

9Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

10Gow-jee keeayl nish er-y-fa shen, O shiuish reeaghyn: gow-jee raaue shiuish ta briwnyn y thallooin.

11Shirveish-jee yn Chiarn lesh aggle: as gow-jee boggey ayn lesh arrym.

12Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.