PSAL. XXIV

1Lesh y Chiarn y thalloo, as ooilley ny t’ayn: combaase y theihll, as adsyn ta baghey ayn.

2Son t’eh er hoiaghey eh er ny faarkaghyn: as er hickyraghey eh er ny thooillaghyn.

3Quoi eh hed seose er cronk y Chiarn: ny quoi vees cooie dy hassoo ayns e ynnyd casherick?

4Eshyn eh ta laueyn glen echey, as cree gyn-loght: as nagh vel er hoiaghey e aigney er foalsaght, as nagh vel er ghoaill loo dy volley e naboo.

5Yiow eshyn yn bannaght veih’n Chiarn: as cairys veih Jee e haualtys.

6Shoh’n sheeloghe ocsyn ta dy hirrey eh: jeusyn dy jarroo ta shirrey dt’eddin, O Yacob.

7Trog-jee seose nyn ghing, O shiuish yiattyn, as bee-jee er nyn droggal seose, shiuish ghorryssyn dy bragh farraghtyn: as hig ree ny ghloyr stiagh.

8Quoi ta ree ny ghloyr: yn Chiarn eh ta lajer as niartal, yn Chiarn hene niartal ayns caggey.

9Trog-jee seose nyn ghing, O shiuish yiattyn, as bee-jee er nyn droggal seose, shiuish ghorryssyn dy bragh farraghtyn: as hig Ree ny ghloyr stiagh.

10Quoi ta ree ny ghloyr: dy jarroo yn Chiarn dy heshaght-chaggee, eshyn ree ny ghloyr.