PSAL. III.

1Hiarn, kys t’adsyn er nyn mishaghey ta dy my voirey: shimmey t’ad ta girree m’oï.

2Shimmey t’ayn ta gra jeh m’annym: Cha vel veg y chooney ny chour ayns e Yee.

3Agh uss, O Hiarn, m’endeilagh: uss my ooashley, as y fer ta cummal seose my chione.

4Deïe mee er y Chiarn lesh my choraa: as cheayll eh mee ass e chronk casherick.

5Lhie mee sheese as chaddil mee, as dirree mee seose reesht: son ren y Chiarn my niartaghey.

6Cha goym’s aggle roish jeih millaghyn jeh’n sleih: ta er n’irree-magh m’oï er dy chooilley heu.

7Seose, Hiarn, as cooin lhiam, O my Yee: son t’ou bwoalley ooilley my noidyn er craue ny keeill; t’ou er vrishey feeacklyn ny mee-chrauee.

8Ta Saualtys bentyn gys y Chiarn: as ta dty vannaght er dty phobble.