PSAL. XLVII

1O bwoaill-jee nyn massyn cooidjagh, ooilley shiuish phobble: O gow-jee arrane gys Jee lesh y choraa dy vingys.

2Son ta’n Chiarn ard, as aggle dy v’er ny ghoaill roish: she eshyn y ree mooar er feaï-ny-cruinney.

3Ver eh sheese y pobble foïn: as ny ashoonyn fo nyn gassyn.

4Nee eshyn eiraght y reih magh nyn gour: dy jarroo ynnyd ooasle Yacob hug eh graih da.

5Ta Jee er gholl seose lesh kiaulleeaght ghennal: as y Chiarn lesh feiyr y chayrn.

6O gow-jee arraneyn-moyllee, gow-jee arraneyn-moyllee gys y Jee ain: O gow-jee arraneyn-moyllee, gow-jee arraneyn-moyllee gys nyn Ree.

7Son she Jee ree’n theihll ooilley: gow-jee arraneyn-moyllee lesh tushtey.

8Ta Jee reill harrish ny ashoonyn: ta Jee ny hoie er e stoyl-reeoil chasherick.

9Ta princeyn ny ashoonyn er lhiantyn gys pobble Yee Abraham: son Jee, ta dy ard er ny hoiaghey seose, ta fendeil y seihll, myr dy beagh eh lesh eïlley-caggee.