PSAL. VI

1O Hiarn, ny cur oghsan dooys ayns dty chorree: chamoo smaghtee mee ayns dty yymmoose.

2Jean myghin orrym, O Hiarn, son ta mee annoon: O Hiarn, slaanee mee, son ta my chraueyn seaghnit.

3Ta sou-aigney trome myrgeddin orrym: agh, Hiarn, caïd nee oo mish y cherraghey?

4Chyndaa uss, O Hiarn, as livrey m’annym: O saue mee er graih dty vyghinyn.

5Son ayns baase cha vel dooinney erbee cooinaghtyn ort’s: as quoi ver moylley dhyt’s ayns yn oaie?

6Ta mee deinagh lesh gaccan; dy chooilley oie ta mee gushtaghey my lhiabbee: as fluighey my lhiabbee: as fluighey my lhiaght lesh my yeïr.

7Ta my aalid er n’immeeaght lesh eer seaghyn: as er ny lheïe ersooyl kyndagh rish ooilley my noidyn.

8Ersooyl voym shiuish ooilley ta gobbraghey molteyrys: son ta’n Chiarn er chlashtyn coraa my ghobberan.

9Ta’n Chiarn er chlashtyn my accan: nee’n Chiarn soiaghey jeh my phadjer.

10Bee ooilley my noidyn er nyn stroie as dy trome seaghnit: chyndaa-ee ad nyn gooyl, as hig ad gys nearey doaltattym.