PSAL. LXI

1Clasht rish my eam, O Yee: eaisht rish my phadjer.

2Veih king y theihll nee’m geamagh ort: tra ta my chree ayns trimshey.

3O soie mee seose er y chreg ta ny syrjey na mee: son t’ou er ve my hreishteil, as toor lajer dooys noi yn noid.

4Nee’m cummal ayns dty chabbane-agglish son dy bragh: as bee my hreishteil fo scaa dty skianyn.

5Son t’ou uss, O Hiarn, er chlashtyn my yeearreeyn: as er choyrt eiraght dauesyn ta goaill aggle roish dt’Ennym.

6Ver oo da’n ree bea liauyr: dy vod e vleeantyn farraghtyn trooid magh dy chooilley heeloghe.

7Nee eh baghey fenish Yee son dy bragh: O kiare dty vyghin ghraihagh as dt’irriney, dy vod ad eh y choadey.

8Myr shen goym dy kinjagh arrane-moyllee gys dt’annym: dy voddym gagh laa my vreearraghyn y chooilleeney.