PSAL. LXX

1Jean siyr, O Yee, dy my livrey: jean siyr dy chooney lhiam, O Hiarn.

2Lhig dauesyn v’er nyn goyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy scammyltagh, ta wooishal olk dou.

3Lhig daue son y leagh oc ve dy leah er nyn goyrt gys nearey: ta geamagh harrym, Shen, shen.

4Agh lhig dauesyn ooilley ta dy dty hirrey, ve gennal as boggoil aynyd’s: as lhig dauesyn ta graihagh er dty haualtys, dy kinjagh, gra, Dy row moylley gys y Chiarn.

5Er my hon’s, ta mee boght as ayns treihys: jean siyr hym, O Yee.

6Uss my er-coonee as my er-kionnee: ny lhig shaghey foddey, O Hiarn.