PSAL. LXXXII

1Ta Jee shassoo ayns chaglym-cooidjagh ny princeyn: t’eshyn briw mastey Jeeghyn.

2Caïd ver shiu briwnys aggairagh: as soiaghey jeh persoonyn ny mee-chrauee?

3Jean-jee ny boghtyn as y chloan gyn ayr y endeil: jeeagh-jee dy vow adsyn cairys ta ayns feme as ymmyrch.

4Livrey-jee yn vooinjer ta treigit as ny boghtyn: saue-jee ad veih laue ny mee-chrauee.

5Cha nailliu ’ve ynsit, chamoo nee ad toiggal y ghoaill, agh goll er nyn doshiaght kinjagh ayns dorraghys: ta ooilley undinyn y thallooin ass nyn goorse.

6Dooyrt mee, She Jeeghyn shiu: as ta shiu ooilley nyn gloan jeh’n er smoo syrjey:

7Agh yiow shiu baase goll-rish deiney: as tuittee shiu myr fer jeh ny princeyn.

8Trog ort, O Yee, as jean uss y seihll y vriwnys: son nee uss ooilley ny ashoonyn-quaagh y ghoaill son dt’eiraght.